B linfozitoak

B linfozito edo B zelulak odolean eta linfan zirkulatzen duten leukozito linfoideak dira, organismoa agente arrotzen aurka babesteko antigorputzak ekoiztu eta jariatzen dituztenak; hots, B linfozitoak immune sistemako erantzun humoralaren arduradunak dira. Hortaz gainera, B linfozitoak zelula antigeno aurkezleak dira eta zitokinen jariapena ere burutzen dute, besteak beste. Ugaztunetan, B linfozitoak hezur muinean garatu eta heltzen dira; hegaztietan, aldiz, B linfozitoen garapena Fabrizio boltsan gertatzen da, espezializaturiko organo linfoidea dena.

Beste linfozito moten aldean, B zelulen bereizgarritasuna BCR (ingelesetik, B cell receptor) molekulen adierazpena da. BCR molekulek antigeno jakin bat ezagutu eta B zelulen aktibazioa eragiten dute antigorputzen erantzuna hasteko. Aktibaturiko B zelulak desberdindu eta zelula plasmatiko bilakatzen dira, antigorputzak kantitate handitan ekoizten dituztenak.

B zelulen desberdintzapenean oroimen zelulak ere sortu daitezke. Hain zuzen ere, oroimen zelula B zelula desberdintzatuen eratorriak dira eta immune erantzun sendo eta azkarra eragiten du dagokion antigenoa ezagutzen duenean.

Loturiko adierak

Antigenoak

Antigenoak antigorputzek ezagutzen dituzten molekula edo egitura molekularrak dira. Antigenoek hainbat epitopo edo gune antigeniko dituzte bere baitan, antigorputz eta antigenoaren arteko elkarrekintza determinatzen dutena; hots, epitopoa antigenoen zati txiki bat da. Antigenoen izaera biokimikoa askotarikoa izan daiteke eta, oro har, proteina, peptido, polisakarido, lipido edo azido nukleikoak dira.

Leukozitoak

Leukozitoak, odoleko globulu txuriak bezela ere ezagunak, sistema immuneko zelula multzoa da, organismoa infekzio eta agente arrotzen aurrean babesteko funtzio nagusia dutenak.  Leukozito guztiak hezur muineko zelula ama hematopoietikotik eratorriak dira eta organismo osoan zehar aurkitzen dira, odol eta sistema linfatikoan, hain zuzen ere. Leukozito mota desberdinak deskribatu dira eta bost mota desberdinetan sailkatu dira:

Zitokinak

Zitokinak (grekeratik, ‘cytos’ zelula eta ‘kines’ mugimendua) izaera proteikoko molekulen talde anitza dira, immune sisteman zelulen arteko komunikazioa bideratzen dutenak. Tamaina txikiko proteinak izateagatik dira bereizgarriak, hauen pisu molekularra¬†5-20 KDa ingurukoa izanik. Zitokinak immune sistemako zelulek (makrofago, T linfozito eta B linfozito) eta bestelako zelulek (endotelio zelula, fibroblasto eta zelula estromal) ekoizten dituzte. Zitokinek hormonen